![Partizani-2-1024x576.jpg Partizani-2-1024x576.jpg](https://fv.al/data/attachments/100/100460-75ea0f23e81a4882c0aaa645dc29310f.jpg)
Në Shkodër, ecuria perfekte e Vllaznisë gjen një kundërshtar të fortë tek Kukësi, që duket sikur ka harruar vështirësitë e fillimit të sezonit.
Ndeshja për shkodranët filloi më së miri me avantazhin e Dungës, por Ylli i Kukësit Ibrahimi përmbysi gjithçka në 10 minuta, me anë të një aksioni të bukur dhe një penalltie.
Kuksianët treguan edhe në pjesën e dytë të njëjtin autoritetet, duke shënuar sërish me Eze dhe Limaj për mos t’i lënë asnjë shans për rikthim shkodranëve të trajnerit Brdaric, që humbin kryesimin.
Nga rënia e Vllaznisë përfitoi më së miri Partizani, me kryeqytetasit që shkatërruan 4-0 Skënderbeun në një ndeshje pa shumë histori, ku “demat e kuq” patën mundësi të “argëtoheshin” në sulm.
Bardhi, Mala dhe Cardoso e mbyllën takimin që në pjesën e parë, dhe menaxhuan qetësisht 45 minutat e dyta, duke thelluar në fund rezultatin me Salomon dhe ngjitur majën e klasifikimit.
Më parë, bomberi amerikan i Laçit, Nwabueze, dhuroi spektakël dhe një tripletë personale në fitoren e bujshme të ekipit të tij që mundi 6-1 Apoloninë e fundit në klasifikim.
A2cnn.com